Pinapalikay kan Board of Investments (BOI) an publiko sa mga indibidwals asin kumpanya na nag-aalok nin tabang para sa investment registration.
Nakaabot sa opisina kan BOI na igwa nin nagkapirang mga dae otorisadong indibidwal an naggagamit mga cellphone numbers na gikan pa sa ibang nasyon.
Nag-aalok an mga ini nin registration services na nagpapabistong gikan sinda sa gobyerno.
Paglilinaw kan ahensiya na mayo sindang pigtatao na otorisasyon tangani mangulektar nin babayadan, maproseso nin aplikasyon na igwa nin kinaraman sa BOI registration sa luwas kan nagkapirang opisyal na channel.
An BOI an attached agency kan Department of Trade and Industry (DTI) na iyong pangenot na opisina kan gobyerno na nagbubusol asin nag-aaprubar nin mga investment.
