Liwat na pinaglalaoman na kan Bangko Sentral ng Pilipinas (BSP) na mataas an interest rate sa semanang ini huli sa naglangkaw na inflation, maluyang piso, asin naglalangkaw na peligro sa presyo kan pagkakan asin enerhiya na nagpapusog kan rason para sa dugang pang monetary tightening.
Dose sa 13 ekonomista an naglalaom na palangkawon kan Monetary Board an target reverse repurchase (RRP) rate, an benchmark kan BSP na ginagamit tanganing impluwensyahan an gastos sa paghura sa bilog na ekonomiya, sa saindang pagtiripon sa sa maabot na Oktubre 22.
Kadaklan naglalaom nin 25-basis-point na paglangkaw sa 5.25 porsyento.An paglangkaw nin quarter-point o half-point mamarka kan ika-apat na rate hike kan BSP ngunyan na taon matapos na an benchmark rate dinara sa limang porsyento kan Agosto.
An inflation an nagluwas na pinakamalinaw na argumento para sa liwat pang paglangkaw matapos na an headline inflation marikas na naglangkaw sa 7.2 porsyento kan Setyembre hale sa 6.1 porsyento kan Agosto, na mas halangkaw pa sa target range kan BSP na duwa sagkod apat na porsyento.
An core inflation, na naghahale kan mga pabarabagong presyo kan pagkakan asin enerhiya tanganing magtao nin mas marhay na ideya kan mga presyon sa presyo, naglangkaw man sa 4.7 porsyento.
