NAGA CITY– Naglalaom si Bureau of Corrections (BuCor) Deputy Dir. Melvin Buenafe na matutuldukan na an problema sa saindang ahensya sa tabang kan saindang nairehistrong plano.
Sa entrevista kan Bombo Radyo Naga ki Buenafe, sinaysay kaini na nailatag na ninda asin pigpepreparar an implementasyon kan BuCor modernization plan.
Kung maipapautob soboot nin marhay an nasambitan ng plano posibleng magresulta ini para masolusyunan na an kadakol na mga problema sa laog kan saindang ahensya.
Sigon pa ki Buenafe, dae pa ninda napagpaplanuhan an pigsasabing pagbubugtak nin Philippine Drug Enforcement Agency (PDEA) laboratory sa laog kan New Bilibid Prisons (NBP).
Si Buenafe an dating regional director kan PNP Bicol asin ngunian bagong deputy director kan BuCor puon pa kan bulan nin Setyembre.
