Pinangenotan kan Filipino Cardinal Luis Antonio Tagle an sarong Banal na Misa sa St. Peter’s Square sa Vatican City ngunyan na Miyerkules, Oktubre 14, mantang nagpaparahay si Papa Leo XIV matapos madiskubre kan mga doktor an sarong sadit na bukol sa saiyang baga na nangangaipo nin operasyon.
Huli sa rekomendasyon kan saiyang mga doktor, nagdesisyon siyang magpa-operar tanganing halion an bukol.
Nagpasalamat man siya sa mga tawo na nagpaabot nin suporta asin nagpromesa na ipapamibi an saiyang pagparahay.
Mientrastanto, kan nakaaging Biyernes, itinalaga si Tagle bilang Dean of the College of Cardinals, sarong importanteng posisyon sa mga kardinal kan Vatican.
Kaiba sa mga katungdan kan dekano an pagpanginot sa nagkapirang pagtiripon kan mga kardinal asin importanteng gibohon na may koneksyon sa pagpadalagan kan Simbahan.
