Hinamon ni Senate Minority Leader Alan Peter Cayetano si Sen. Panfilo “Ping” Lacson na magpaluwas nin ebidensya manungod sa alegasyon na posibleng bilyones pesos na pondo kan gobyerno an nasayang sa flood control asin infrastructure projects sa Lakeshore area.
Sa saiyang post sa social media, nanindugan si Cayetano na ginagamit an Lakeshore para sa health, edukasyon, libangan, negosyo, asin iba pang public functions.
Enot nang sinabi ni Lacson na posibleng nasayang an P3.713 bilyones na nakatagama para sa natapos, padagos, asin suspendidong proyekto kan DPWH sa mga lugar na soboot parte kan illegal reclamation areas sa Taguig.
Hamon pa ni Cayetano ki Lacson kun may ebidensya laban ki DPWH, Taguig, o laban saiya, ipresentar ini. Ipundo na an mga theatrics asin pabayaan na an mga ebidensya an magtaram sa tamang judicial venue kun saen nakaseguro an fairness.
Dugang pa ni Cayetano, dapat na magdanay na nakatutok an gobyerno sa pagresolber kan mga problema asin pagsierto na makikinabang an mga Pilipino sa kada ginagastos na pondo.
