Pigyugo-yugo kan magnitude 6.0 na linog an probinsiya kan Cebu. Sigun sa Philippine Institute of of Volcanology and Seismology (Phivolcs) namatean ini dakong alas 9:59 nin pagabangii kan nakalihis na Setyembre 30, 2025.
May rarom na 10 kilometro asin tectonic in origin. Nairehistro an epicenter kan linog sa may Bogo City, Cebu. Namatean an intensity 5 sa Sipalay City, Cebu; Negros Occidental; Lapu-Lapu City asin Tacloban City. Intensity 4 man an namatean sa San Fernando, Cebu; Bulan, Bulusan asin Casiguran, Sorsogon; Roxas City,Capiz; Himamaylan City, Negros Occidental; Ubay, Bohol; Lawaan, Eastern SAmar; Laoang, Northern Samar; Catbalogan, Samar; Dipolog City, Zamboanga del Norte.
Intensity 3 man sa Legazpi City, Albay; Iriga City, Camarines Sur; Donsol, Sorsogon; Tibiao, Antique.
Padagos an ginigibong pakikipagkoordinar kan Phivolcs sa mga local government units tangani maaraman an danyos kaini.
Pigpatanid man kan ahensiya na magkakaigwa nin aftershocks huli sa kusog kan linog
