Kaipuhan soboot ni dismissed Bamban, Tarlac mayor Alice Guo nin temporary restraining order (TRO) tanganing maipados an saiyang re-election bid.
Sigun ki Commission on Elections (Comelec) Chairman George Erwin Garcia, aakuon ninda an pigsunad na certificate of candidacy (COC) ni Guo para sa 2025 National and Local Elections (NLE).
Siringman, patanid ni Garcia, posible pa man soboot madiskuwalipika si Guo kun dae ini makakakua nin TRO.
Pigpaliwanag pa man ni Garcia na igwa nin bastante na basehan tanganing madiskuwalipika si Guo sa pagadalagan sa eleksiyon.
Kabali digde an deklarasyon kan pagiging nuisance candidate, petisyon na naglalaom na makanselar an saiyang COC huli sa edad asin citizenship, asin an desisyon soboot kan Office of the Ombudsman na ipatupad an perpetual disqualification gikan sa pagkapot nin puwesto sa gobyerno.
Marurumdumang inot nang pigsaysay ni Comelec spokesperson John Rex Laudiangco na mayo nin anuman na kapangyarihan an Comelec na awtomatikong kanselaron an COC ni Guo.
