Inihayag kan Malacañang kasuodma, Sabado, Enero 31 na dae napag-uulayan sa ngunyan an Charter Change (Cha-Cha) o proseso kan pag-amyenda sa 1987 Constitution.
Sigun ki Palace Press Officer USec. Atty. Claire Castro, sa huring pakikipag-ulay kan Presidente sa saiyang economic team kan nakalihis na Biyernes, dae napag-ulayan an dapit sa Cha-Cha.
Imbes, nakatutok soboot si Presidente Ferdinand Marcos Jr. sa pagpa-uswag kan ekonomiya kan nasyon.Alagad sigun ki USec. Castro, enkaso igwa nang nagibong lakdang an mga lehislador dapit sa nasambitan ng ulayan, papag-adalan man soboot ini kan Presidente.
Ginibo kan Palace Offical an pahayag kasunod kan pronouncement ni Senate President Vicente “Tito” Sotto III na susuportahan kaini an mga plano tanganing amyendahan an 1987 Constitution enkaso man soboot na ibusol ini.
Ini an makalihis na pagtibayon kan Korte Suprema an ruling kaini na nagdedeklarar na unconstitutional an Articles of Impeachment kontra ki Vice President Sara Duterte.
Sigun ki Sotto, malinaw soboot na panghihimasok sa kapangyarihan kan lehislatura an pakikiaram kan Korte Suprema sa proseso kan impeachment na soboot eksklusibong tungkulin kan Kongreso.
Hurot pa kan senador, huli sa nasambitan ng desisyon, nagmistulang inamyendahan na man kan Korte Suprema an Saligang Batas.
Huli digde, sinaysay ni Sotto na mas makakamarhay soboot an Kongreso na mismo an magpuon kan charter changer, taliwas man ini sa dating posisyo kan Senador huli ta dati kaini ining pigtutulan alagad ngunyan preparado na soboot ini kaining suportaran.
Marurumduman man na basado sa report kan Philippine Statistics Authority (PSA) sa dalagan kan ekonomiya kan 2025, natapos an taon na igwa sanang 4.4% gross domestic product (GDP).
Ini an ikatolong sunod na taong nabigo an gobyerno na maabot an target kaini huli sa epekto na man kan mga nagtamang kalamidad asin flood control corruption scandal na nakaapektar sa kumpiyansa kan mga investor asin konsyumer.
