ARAM baya nindo mga ka-Bombo sarong pamilya sa Pulilan, Bulacan an binukasan an saindnag harong sa publiko ngunyan na kapaskuhan para ma-enjoy an saindang mga Christmas decors.
Sa Baranggay Lumbac sa Pulilan, Bulacan sarong harong an agaw pansin huli sa manlaen-laen na makukulay asin kumukuti-kutitap na pailaw an bilog na harong.
Gikan sa bakuran hasta sa walkway igwa nin Christmas decor.
Favorite kan mga aki asin pami-pamilyang nagdadayo sa Pulilan Christmas House an snow man. Sarong pang favorite spot ninda digdi an Santa figure kaiba an saiyang sleigh asin reindeers. Igwa man nin toy soldier asin Christmas tree na igwa nin langkaw na 40 feet. Nabawasan pa man soboot ini nin sampulong talampakan nin huli ta nadanyaran kan bagyong Kristine.
Sigun sa maysadiri kan harong na si Emmanuel Maño, nagpuon an gabos huli sana sa sarong nahagad na Christmas lights. Kun saen, nakapurot ini sa sarong junk shop nin Christmas light, na dae naghaloy, padiit-diit na nindang pigdekorasyonan an saindang harong kan mga natipong Christmas lights. Hasta sa napansin man ini kan pirang mga nag-aagi sa saindang lugar.
An munting mga ngirit soboot kan mga nakalaog sa saindang harong, hatod man an kaogmahan para sa saindang pamilya.
