Nagpatanid an Cybercrime Investigation and Coordinating Center (CICC) sa publiko kontra sa ‘false prophets’ na nagpopromisang baguhon an resulta kan halalan karibay kan kwarta.
Piggibo kan ahensiya an patanid makalihis na magsunad nin cyberlibel case si Commission on Elections (Comelec) chairman George Garcia kontra ki Atty. Jeryll Harold Respicio na nag kakandidato sa pagka-Bise Alkalde sa banwaan nin Reina Mercedes sa probinsiya kan Isabela.
Ini an makalihis na magpost nin saronng video si Respicio kan nakalihis na Enero 25, 2025 na kaya soboot kaining manipulahon an vote-counting machines asin backroom programs na pwedeng magpabago sa resulta kan halalan.
Alagad sigun ki CICC Executive Director Alexander Ramos na an mga teorya ni Respicio an pogkokonsiderar na misleading information.
Ipinaliwanag pa kan opisyal na igwa nin 3 layers an security kan automated elections tangani maprotehiran an validity kan election results.
Pigtawan duon man ni Ramos na labing kumplikado an automated election system para sa May 12 elections kaya man bako gayo kadali ma-hack an saindang sistema.
