NAGA CITY – Nagpapadagos an clearing operation sa siyudad nin Naga makalihis an panlalamasa kan bagyong Kristine.
Sa nagin paghampang sa mga kagawad kan media ni Naga City Mayor Nelson Legacion, pigsaysay kaini na dapat na mahali asin makolektar na man an mga basura asin madara na sa sanitary landfill.
Katakod digde igwa na man soboot pigpadara na mga dump truck asin payloader sa iba pang parte kan siyudad siring kan Igualdad, Abella, asin Bagumbayan Sur.
Naoogma man alkalde huli ta maski nagpaaram na an Sorsogon Team, an sarong team na Phil Eco nagpromesa na hasta sabado, Nobyermbre 9 pa ini matinir sa siyudad.
Mientrastanto, nagpakol man sa 160,000 an populasyon an apektado kan pagbaha kan nasambitan ng bagyo na katampad kan nasa labi 40,000 families na kun saen sinda an makakareseber nin relief packs gikan sa LGU-Naga.
