Tinuyaw kan Commission on Audit (COA) an Department of Tourism (DOT) huli sa procurement lapses kaini na nag-abot sa P20.85 million kan nakalihis na 2024.
Basado sa 2024 annual audit report kan COA, dae soboot sinunod kan DOT an tamang proseso kan Government Procurement Reform Act, na nakaapektar sa transparency asin accountability kan mga kontrata.
Nagkapira sa mga natukoy na problema an kinababalihan kan opisina kan ahensiya sa National Capital Region (NCR) kun saen nagbakal nin airline ticket an ahensiya gamit an Small Value Procurement imbes na Direct Retail Purchase an dapat gamiton, natukoy na nag-abot sa P661,035.18 an ginastos kan ahensiya sa pagbakal kan plane ticket.
Apwera digde nag-approve man nin supplemental agreements an DOT sa opisina kaini sa Cordillera Administrative Region (CAR) sa pigtutugotang 10% increase sa meals para sa training participants.
Igwang mga procurement na kulang man soboot an dokumento, transaction splitting, pakikipag-ulay sa dae kwalipikadong supplier, asin labi na paggastos sa mga training, venue, asin vehicle rentals.
