Epektibo na magpuon ngunyan na aldaw, Enero 12,2025 an nationwide gun ban hasta sa June 11, 2025, komo parte kan election period para sa nararani na May 2025 midterm elections.
Sulamenteng mga partikular na grupo, kabali an mga ahensya kan pigpapautob na ley, mga justice, hukom asin nagkapirang mga propesyonal siring kan mga cashier na nagkakapot nin darakulang kantidad nin kwarta, exempted sa irarom kan Commission on Elections (Comelec) resolution sa gun ban.
Mantang an ibang licensed gun owners an kaipuhan na magsunod sa ban o mag apply nin Certificate of Authority hali sa Commission on Elections (Comelec) tangani na magdara nin badil sa legal na paagi.
Pinangenutan man ni Comelec Chairman George Erwin Garcia asin PNP Chief PGen. Rommel Francisco Marbil an ceremonial launching kan Comelec checkpoints ngunyan na aldaw na pigkundisir sa Kartilya kan Katipunan, Padre Burgos, Manila.
Mientrastanto, pigkumpirmar ni Marbil na apat na indibidwal, naarestar sa magkakasuhay na COMELEC checkpoints sa nasyon huli sa pagbalgar sa pigpa-utob na gun ban. Ini an kasunod kan pagpupuon kan election period ngunyan na aldaw.
