Nagbaba nin 7.12 porsyento an mga insidente kan krimen sa bilog na Bicol Region, huli na man sa epektibong pagpapautob nin 5 minutong oras nin pagresponde.
Sinaysay ni Police Regional Office-5 Director Brig. Gen. Nestor Babagay Jr. magpuon Hulyo 16 hasta Agosto 16, an ahensya nakapag rehistro nin 1,722 krimen, na 132 na mas kadikit na kaso kumparar sa 1,854 na insidente na naireport sa parehong panahon kan nakalihis na taon.
Idinagdag ni Babagay na an napapanahon asin man mapagpasyang pagsimbag kan mga yunit kan pulisya sa laog kan limang minuto kan distress calls an napatunayang sarong makabuluhang trayumpo sa pagpugol sa mga krimen orog na ta aram kan mga ini na marikas na maabot an mga kapulisan asin man nakakamate na nin salbado an komunidad asin nagkukusog an buot na maghagad nin agap.
Sa panahon na ini, pinahigot pa man kan PRO-5 an operasyon kontra sa krimen asin iligal na droga.
Nakumpiskar sa unit an PHP15,071,855.52 na kantidadad nin mga ilegal na sangkap, kabali na an 54.62 gramo kan marijuana asin man nasa 2,215.49 gramo nin shabu, na naghantong sa pagkakaarestar man kan 114 na indibidwal para sa mga paglabag na may kinaraman sa droga.
An kampanya laban sa mga wanted na tao an nakakua nin makabuluhang momentum, na nagresulta sa kabilogang 350 na pag-arestar sa manlaen-laen man na antas.
Pigtawan duon pa kan opisyal na mantang pigmamantinir an nasambitan ng momentum, padagos man na papahusayon kan PRO-5 an 5 minutong balangkas nin pagsimbag, pag-asegurar sa mas marikas na serbisyo kan pulisya, mas makusog na operasyon, asin man mas salbado na komunidad
