Photo©Web

NAGA CITY- Sugatan ang isang Criminology Student matapos ma-hit and run sa Sariaya, Quezon.

Kinilala ang biktima na si alyas Neil, 18 taong gulang at residente ng Brgy Taguan Candelaria, sa nasabing lalawigan.

Sa nakalap na impormasyon ng Bombo Radyo Naga sa Quezon Police Provincial Office, nabatid na nakatanggap ng tawag ang Sariaya Municipal Police Station mula sa isang concern citizen bandang alas 8:35 ng gabi nitong Biyernes hinggil sa road crash incident na nangyari sa Eco Tourism Road Brgy Manggalang, Kiling sa nasabing bayan.

Base sa inisyal na imbestigasyon, napag-alaman pa na bandang alas 7:25 ng gabi sa kaparehong araw, parehong binabaybay ng biktima gamit ang motorsiklo at nang hindi pa nakilalang driver ng teen wheeler truck ang kaparehong direksyon, kung saan an biktima ay papunta sana sa northbound direction ng nasabing lugar, ng aksidente itong mabangga ng truck.

Matapos ang insidente, kaagad na tumakas ang driver ng truck patungong Candelaria at iniwan ang biktima.

Sa ngayon ay nagpapatuloy pa ang imbestigasyon ng mga awtoridad hinggil sa naturang insidente.