Pigsierto kan Department of Agriculture (DA) na mayong maski anumang kakulangan sa supply kan mga produktong manok sa mga merkado sa ibong kan nagin pagpapautob kan import ban kan mga nasambitan ng produkto gikan sa Brazil.
Sigun sa departamento, nag-angat kan import ban sa nasambitan ng nasyon huli sa naikurit na kaso kan Highly Pathogenic Avian Influenza (HPAI) o bird flu sa parte kan Montenegro, Rio Grande do Sul.
Pagsisierto ni Agriculture Secretary Francisco Tiu Laurel Jr., bako sana an Brazil an sulamenteng supplier kan manok sa Pilipinas asin igwa pang mapagkukuonan nin produkto gikan sa iba pang nasyon komo alternatibong resources.
Sa ibong kaini, pwedeng sarong ‘brief supply gap’ sana an piglalaomang maeksperyensiyahan kan mga merkado sa laog sana kan saro hasta duwang semana huli sa presenteng mayon man soboot an poultry industry ngunyan kan nasyon.
Mientrastanto, puon Pebrero, 44.15 milyong kilograms kan manok an naresebir na import gikan sa Brazil sigun sa nagin datos kan Bureau of Animal Industry (BAI).
