DA naghagad nin dugang na pondo para labanan an epekto kan El Niño

Naghagad an Department of Agriculture (DA) asin an National Irrigation Administration (NIA) nin dugang na pondo para sa masunod na taon.

Sinabi ni Agriculture Secretary Francisco Tiu Laurel Jr., na importante an dugang na pondo para sa saindang mga proyekto huli sa piglalaoman na posibleng epekto kan El Nino sa nasyon.

Hinagad man kan Secretary na dagdagan an Presidential Assistance for Farmers and Fisherfolk (PAF) na posibleng maubos an fondo sa mga masunod na bulan huli sa epekto kan habagat asin bagyo.

Kaipuhan man kan ahensya an P8.7-B para sa fertilizer assistance funds para sa mga paraoma asin dagdag na P10-B hasta P12-B para sa mga parasira sa irarom kan mga programa kan Bureau of Fisheries and Aquatic Resources (BFAR).