Target kan Department of Agriculture na ibaba sa P38-P39 per kilo an bagas na ipapabakal sa ‘Rice-for-All’ program kan gobyerno ngunyan na bulan.
Sa presente, maabot sa P40 per kilo an benta sa well-milled rice sa pirang Kadiwa stores kan Presidente sa Metro Manila.
Kaibahan na digde an pirang kadiwa na naka-istasyon sa MRT-3 asin LRT-2.
Sa sarong pahayag an sinaysay ni DA Assistant Secretary and spokesperson Arnel de Mesa na padagos an pigsagibong pag-meeting asin konsultasyon sa nasambitan ng plano.
Enot nang nagbenta an ahensiya nin P45 per kilo na bagas asin kalaunan an pigbaba ini sa P43.00 asin P42.00.
Antes makahilis an taong-2024, pighabol pa kan ahensiya an pagpapababa sa presyo kan bagas na pigbebenta sa P40.00 per kilo.
