NAGA CITY- Igwa nin tamang proseso na kaipohan sunudon. Ini an pahayag ni House Speaker Ferdinand Martin Romualdez katakod sa kun pabor ba ini o dae na dagusan ng ipagbawal an mga Philippine Offshore Gaming Operator (POGO) sa nasyon.
Sa ambush interview pagkatapos kan Independence Day celebration sa Barasoain Church sa Malolos, Bulacan, sinaysay ni Romualdez na kaipohan na madangog an gabos kan stakeholders sa paagi kan pagdangog antes magdesisyon katakod kaini.
Kan sarong aldaw, nagsunad nin prosopwesto sa hababang kapulungan kan Kongreso an Makabayan bloc tanganing hagadon na halian nin lisensya an mga POGO para makapag-operate. Nakalaog man sa prosopwestong ley na gibuhong krimen an POGO na may kinaraman sa money laundering asin human trafficking kun saen igwa nin 10 taong kaakibat na kulong asin ₱10 milyong multa.
Pigsunad an prosopwesto sa tahaw kan mga kontrobersiya siring kang pagkakaugnay kan pirang local government officials sa mga POGO. May nakabinbin man na kaparehong prosopwestong ley sa Senado na pigsundad ni Senator Win Gatchalian.
