Nangapudan si Senator Bam Aquino sa gobyerno na pag-adalan an lubos na paghale kan 12% VAT sa residensyal na kuryente tanganing mabawasan an singil sa kuryente.
Ini man sa tahaw kan proponidong paghale kan system loss charge na minakompuesto nin poco mas o menos 5% hasta 6% kan babayadan sa kuryente.
Sa sarong briefing kan Development Budget Coordination Committee (DBCC), sinabi ni Aquino na an propuesto pwedeng magtao nin mas dakulang relief sa mga konsumidor, kasabay kan mga lakdang tanganing mahale an system loss charges sa saindang bills sa kuryente.
Dati nang nagsangat si Aquino kan Senate Bill No. 266 na nagmamawot na i-exempt an pagpabakal nin kuryente kan mga kumpanya sa generation, transmission, asin distribution, siring man kan mga electric cooperatives, sa VAT.
Katuyuhan man kan bill na i-exempt sa VAT an serbisyo kan mga franchise grantees kan electric utilities.
