Liwat na namataan an China Coast Guard 5901 o pigkonsiderar na “monster ship” kan China sa West Philippine Sea, basado sa monitoring kan US maritime expert.Ini an enot na pagkakataong nahiling an dambuhalang barko kan China sa lugar makalihis an haros sarong taon.
Sigun ki US maritime expert Ray Powell, nagsagibo pa an CCG vessel nin intrusive patrol sa may central Vietnam, na primerong deployment kan barko sa timog kan Hainan Island puon kan nakalihis na Hulyo 2025.
Sa ini nag-agi sa distansiyang 74 kilometers harani sa banwaan kan Itbayat sa probinsiya kan Batanes kan nakalihis na Domingo.
Panandalian sanang nagtinir an dambuhalang barko sa lugar antes magbweltada pa-kanlurang direksiyon. Kan nakalihis na Martes nin aga, namataang haros pabweltada na an CCG vessel sa Hainan Island.
Marurumduman, huring namataan an monster ship kan China sa Panatag o Scarborough Shoal kan nakalihis na Pebrero kan nakalihis na taon.
Sigun ki Powell, nagtitinir na toninong an barko kan 2025 asin posibleng namalagi sa coastline kan China.
