Pigtwan-duon ni dating Chief Justice Artemio Panganiban na an kahagadan, hinahanap, asin inaasahan kan mga Pilipino hale sa Senado iyo an ‘hustisya’.
Sa saiyang pagluwas bilang amicus curiae sa Senate Impeachment Court, dae nagduwa-duwa an dating Punong Mahistrado sa pagsabi na ‘garo an hapot asin mga simbag na hinahanap kan mga senator-judge puro sana hale sa point of view kan mga senador’.
Dugang pa ni CJ Panganiban, dapat man ikonsidera kan mga senador an hinahagad asin hinahanap kan publiko hale sa mga senator-judge, asin ini iyo an hustisya.
Importante daa na maaraman kan mga senador an pagmate kan publiko na naghahagad nin hustisya hale sa sarong impeachment court, bilang saro sa mga pangenot na giya sa pag-uswag kan impeachment trial.
Nagpirming marhay man an dating mahistrado na bakong obligasyon kan mga senador na magserbi bilang ‘judges’ kundi bilang ‘magurang’ na may kapangyarihan na disiplinahon an mga impeachable official.
Hayag na sinabihan kan dating mahistrado an mga senator-judge na bakong sinda mga huwes kundi nagganap sinda bilang mga magurang na tinawan kan Constitution nin kapangyarihan na dinggin an kaso kan pinakahalangkaw na opisyal kan nasyon.
