Naghampang si dating Presidente Rodrigo Duterte ngonian na Miyerkules, Setyembre 16, 2026, sa ikatulong status conference kan saiyang kasong Crimes Against Humanity sa International Criminal Court (ICC) sa The Hague, Netherlands.
Ini an pinakaenot na pampublikong pagluwas kan 81-anyos na dating lider pagkatapos nin labi sa sarong taon poon kan huri siyang mahiling sa paagi kan video link kan Marso 2025 kasunod kan saiyang pagkaaresto.
Nag-atubang an dating presidente sa court room matapos linawon ni Presiding Judge Joanna Korner kan ICC Trial Chamber III na inaasahan kan korte an saiyang personal na presensya matapos isumite kan mga medikal na eksperto an saiyang mga evaluation report.
Nakatutok an ginibong pagdangog sa pagpapatibay kan mga timetable para sa paghaharap kan mga testigo, pagribayan nin ebidensya kan magkabilang panig, asin mga huring pagpreparar bago an pormal na pagpoon kan paglilitis na nakatalaan sa Nobyembre 30, 2026.
Sa presente, kinakaharap ni Duterte an mga sakdal na may koneksyon sa daa malawakang paggadan sa irarom kan saiyang kampanya kontra sa ilegal na droga kan siya alkalde pa kan Davao City sagkod sa saiyang pagigin presidente kan nasyon.
Poon kan siya arestuhon kan nakaaging taon base sa warrant kan korte, nagdadanay an dating lider sa custody kan ICC mantang padagos na iginigiit kan saiyang defense panel an saiyang legal asin medikal na mga apela.
