Inaagi sa suba ni dating Solicitor General Atty. Florin Hilbay an saiyang reaksyon sa pagbubutas sa pwesto ni Communication Assistant Sec. Mocha Uson.
Sa nagin paghampang ni Hilbay sa mga kagawad nin media sa saiyang pagbisita sa ciudad nin Naga ngunyan na pagkaaldaw, pasuba kaining sinambit na mawot niya muna mahiling an resignation documents ni Uson para mapatotoohan asin bakong fake news.
Inut igd, kinumpirmar ni Special Assistant to the President Bong Go na inako na ni Presidente Rodrigo Duterte an resignation letter ni Uson.
Kun magigirumduman, nagin kontrobersyal si Uson huli sa suboot pagpapalakop kaini nin salang impormasyon.
Nakaresibe man an naunambitang opisyal nin manlaen-laeng reaksyon gikan sa mga Bicolano an pangyayari kan pag-aalburoto kan Bulkang Mayon kan Enero sa sala kaining pagsambit na an naunambitang bulkan an yaon sa Naga City, imbes na nasa probinsya nin Albay.
