Home Blog

Mayor, nagkirad sa pagkakaguyod kan pangaran kaini sa alleged PAG sa CamSur

By
Bombo Rosie Nieva
-

NAGA CITY – Nag-ani nin manlaen laen na reaksyon an facebook post ni San Fernando Mayor Fermin Mabolo katakod kan pagsasapubliko kan Philippine National Police (PNP) sa soboot pagkakaguyod kan pangaran kaini sa alleged private armed group na Mabolo Criminal Group.

Sa nasambitan ng facebook post, mahihiling an screenshot kan text message ni Bombo Kristine Atole kan Bombo Radyo Naga sa alkalde kan hagadon kaini an sarong interview nganeng kuanon an lado kan alkalde sa nasambitan ng isyu.

Dawa dae nagpaonra nin entrevista an alkalde alagad kasabay kan nasambitan ng screenshot an caption kunsaen sinaysay kaini na ini an nangyayari tuyong nakikisawsaw an Police Force sa partisan politics na dapat responsabilidad kuta ng magserbi asin magprotekta nin tao.

“This is what happens when the Police Force who were supposed to serve and protect the people are engaging in partisan politics. Mga ser, hindi po ako kaaway. Umayos po kayo!!!”

Enot digdi sa nagin entrevista ki P/Col. Roderico Roy, Provincial Director kan Camarines Sur Police Provincial Office (CSPPO), sinaysay kaini na igwang duwang alleged private armed groups sa probinsya na binabantayan ngunian an mga otoridad.

Pinangaranan kaini an Mabolo Criminal Group na soboot pigsasabing nasa likod si Mayor Mabolo asin padagos na minomonitor.

Sigon sa opisyal kan pulisya, enot nang pinahimutikan kan alkalde an pagkakaguyod kan pangaran kaini sa nasambitan ng isyu.

Advertisement

Suplay kan pagkakan sa Nasyon, Namemeligro huli sa El Niño- DA

By
Bombo Naga News Team
-

Inalerto kan Bangko Sentral ng Pilipinas (BSP) an Department of Agriculture (DA) sa mayor na huma sa suplay asin presyo nin kakanon kan nasyon huli sa grabeng tag-init na dara kan El Niño. Dugang pa sa problemang ini an padagos na kariribukan sa pankinaban na merkado nin paroy asin presyo.

An patanid kan BSP kasabay kan paglangkaw ninda nin 25 basis points an key interest rate bilang enot na lakdang laban sa persistent inflation. Tinawan doon kan bangko sentral na dai ninda hinahale an posibilidad nin dugang pang mga aksyon monetaryo kun padagos na maglangkaw an presyo kan mga pundamental na barakalon.Philippine Air Force

An sitwasyon sa nasyon nagigin mas kritikal huli sa pagluway kan agrikultura, na an ani nin paroy nagbaba nin 4.85 porsyento kan 2024. Kasabay kaini, an All Rice Price Index naglangkaw man nin 21 porsyento kan 2023 kan an India nag-implementar nin pagbabawal sa pagluwas nin paroy huli sa banta kan El Niño.

Bilang resulta, an huma nin saro pang tigmara direktang makakapaluya sa lokal na suplay nin kakanon asin magigin rason nin mas hararom na krisis sa pankinaban na merkado asin presyo kan bagas.

Si Agriculture Secretary Francisco Tiu Laurel Jr. nagmando sa gabos na ahensya kan DA na padagos na i-adjust asin pakusugon an saindang mga plano sa pagresponde sa El Niño.

Gagamiton kan ahensya an pinakabagong datos sa panahon, kondisyon kan pananom, suplay nin tubig, asin hiro kan merkado tanganing maibanan an epekto kan El Niño.

An mga lakdang kan DA kabali an pagtanom nin panganuron, pag-instalar nin solar irrigation, asin pagbalyo kan produksyon sa mga rehiyon na dai apektado. Magdidistribwir man sinda nin mga seeds na matitibay sa tigmara, crop insurance, asin direktang tabang pinansyal sa mga apektadong paraoma.

Advertisement

PBBM, nakisumaro sa pag-rumdom sa mga bayani kan nasyon ngonian na National Heroes’ Day

By
Bombo Naga News Team
-

Nakisumaro si Presidente Ferdinand “Bongbong” Marcos Jr. sa bilog na nasyon sa pagromdom kan Heroes’ Day.

Sa iyang mensahe, giawhag sa presidente ang matag Pilipino nga dae basta-basta pagrumdom sa mga naginibohan sa atong mga national heroes kundi isapuso.

Maninigo man suboot na itakod an katungdan na padagos na itugdok an nasyon na saindang ipinaglaban asin isinakripisyo an saindang buhay.

Apwera kaini, tinawan man nin onra ni Presidente Marcos Jr an kahigosan asin kabayanihan kan mga pigkonsiderar na modernong bayani.

Partikularmente, an mga soldados, mga paratukdo, mga health worker, mga paraoma, mga parasira asin mga overseas Filipino siring man an mga ordinaryong namamanwaan na padagos na nagtatabang sa kapwa asin naglilingkod para sa karahayan kan gabos.

Pinangenotan ni Presidente Marcos Jr an pag-atang nin burak sa Lubungan kan mga Bayani sa Taguig City kaibanan an nagkapirang mga opisyales kan gobyerno asin mga beterano komo tanda nin paggalang sa mga minimidbid na bayani kan satong nasyon.

Advertisement

Naga Nag-Andam sa Ligtas asin Malinig na Peñafrancia Festival; Mga salog lilinigon

By
Bombo Naga News Team
-

An City Environment and Natural Resources Office o CENRO-Naga nagkondusir nin “Linig para ki Ina,” bilang parte kan preparasyon sa maabot na selebrasyon kan Peñafrancia Fiesta sa Ciudad nin Naga.

Sa Intrevista kan Bombo Radyo Naga ki Christopher Jhun D. Zantua, Senior Environmental Management Specialist kan CENRO-Naga, sinabi saiya na an City Clean-Up Drive na ginibo ni Naga City Mayor Leni Robredo, kun saen nagtiripon asin nagpartisipar an mga ahensya asin opisina kan ciudad, siring man mga grupo asin organisasyon.

Kaiba sa mga aktibidades an “Linig para ki Ina,” asin an Naga Rivers Maintenance, kun saen an katubigan sa Naga Rivers regular na piglilinig asin pigmamantenir.

Segun ki Zantua, taon-taon na piggigibo an mga nasabing aktibidad bilang parte kan pagpreparar asin pagpakusog kan selebrasyon kan Peñafrancia Fiesta. An pagmantenir kan kalinigan kan ciudad asin kan katubigan piglalaoman na makakatabang na magin mas areglado, makolor, asin arog kaiyan an selebrasyon na inaabangan kan mga taga-Naga asin mga bisita hale sa manlaen-laen na lugar.

Labi sa 3,000 na mga empleyado hale sa Naga City Hall an nagpartisipar sa nasambitan ng clean-up drive, kabale an mga estudyanteng enroll sa National Service Training Program o NSTP hale sa mga eskwelahan arog kan BISCAST asin Naga College.

Sa kabilogan, pigkakarkulong maabot sa 8,000 hasta 10,000 katawo an nagpartisipar sa nasabing aktibidad.

Mientrastanto, an Solid Waste Management Office an responsable sa pagkolekta kan mga basura, kun saen pigkakarkulong maabot sa tolong tonelada an total na nakolekta na basura.

Nangapudan man si Zantua sa mga bisita na mag-abot sa Naga, lalo na an mga parasimba, na magin responsable sa pag-asikaso kan mga basura. An basura dapat iapon sa tamang basurahan, asin kun mayo nin basurahan sa lugar, ilaag muna ini sa bulsa sagkod na makakua nin tamang pag-apon.

Tinawan duon man ni Zantua an kahalagahan kan disiplina asin responsableng pag-ataman sa kapalibutan.

Sa simpleng paggibo nin tama, an gabos makakatabang sa pagmantenir kan kalinigan kan ciudad asin mas makakaselebrar an gabos sa maabot na Peñafrancia Festival.

Advertisement

Nagkapirang PLM Students, Kinuwestyon an pagtao nin Honorary Degree ki PBBM

By
Bombo Naga News Team
-

Kinuwestyon kan mga estudyante kan Pamantasan ng Lungsod ng Maynila o PLM an desisyon kan Board of Regents na tawanan nin honorary Doctor of Laws degree si President Ferdinand Marcos Jr.

Sa sarong joint statement kan PLM Supreme Student Council asin 33 pang student councils asin organizations, sinabi ninda na dai sinda nakonsulta manungod sa pagbistong iginawad sa Presidente, asin puwedeng mahiling ini bilang sarong pag-endorso sa administrasyon ni Marcos na padagos umanong napapaatubang sa mga isyu nin transparency, accountability asin human rights.

Tinawan doon kan mga estudyante na dapat mas halangkaw an pamantayan sa pagtao nin honorary degree kisa sa posisyon o kamugtakan kan sarong personalidad.

Ipigheras man kan mga ini an kasaysayan kan PLM asin an alaala ni Liliosa Hilao, sarong student journalist kan unibersidad na nagadan habang nakadetine kan panahon kan Martial Law sa irarom kan administrasyon kan dating President Ferdinand Marcos Sr.

Ginawaran si Marcos Jr. nin honorary Doctor of Laws degree kan PLM kan Agosto 27 komo pagbisto, segun sa unibersidad, sa saiyang suporta sa mga proyekto kan eskwelahan, kabali an konstruksyon kan PLM Medicine and Allied Sciences Building.Mientrastanto, naghagad man nin paglilinaw an PLM College of Law Student Council kun nasunod an mga pamantayan kan Legal Education Board sa pagtao nin honorary degree.

Partikular nindang kinuwestyon kun natugunan ni Marcos an requirement na dapat may baccalaureate degree o katumbas kaini gikan sa sarong binibistong institusyon.Segun sa University of Oxford, dai nakumpleto ni Marcos an saiyang Bachelor of Arts degree sa Philosophy, Politics and Economics, asin imbes kaini, ginawaran siya nin Special Diploma in Social Studies kan 1978.

Sinabi ni PLM Board of Regents Chair Edward Serapio na naninindigan siya sa pagtao nin honorary degree ki Marcos bilang pagkilala sa suporta kan Presidente sa edukasyon asin sa pagpapatugdok kan bagong gusali kan unibersidad.

Advertisement

Pinakaenot na coal blending terminal, planongipatugdok sa Pinas

By
Bombo Naga News Team
-

Nagpaplano an Pilipinas na magtugdok nin coal terminal kun sain mapoproseso asin mablend an lokal na coal para sa pag-generate nin kuryente, tanganing mabawasan an pagsarig kan nasyon sa mga inaangkat na coal gikan sa Indonesia.

Segun ki Energy Sec. Sharon Garin, pig-iinkaminar an pribadong sektor na pangenotan an proyekto.

An gobyerno puwede man maging minority shareholder tanganing makapagtao nin regulatory oversight.

An Pilipinas saro sa mga nasyon na pinakadakul an pagsarig sa coal para sa power generation sa Southeast Asia, kun sain an coal haros 60 porsyento kan energy mix kan nasyon.

Kapansin-pansin na 95 porsyento kan supply kan coal sa nasyon inaangkat, asin an Indonesia an nagsusuplay nin haros 99 porsyento kaini.

Dagdag pa ni Garin, dakula an pagsarig kan Pilipinas sa coal gikan Indonesia huli ta ang kalidad kaini angay sa mga boiler asin iba pang kagamitan na ginagamit kan mga coal-fired power plant sa nasyon.

An Semirara coal mine sa Antique, na nagpoprodyus kan kadaklan kan lokal na coal, naggagibo nin low- hasta medium-rank sub-bituminous coal na medyo mababa an calorific value.

Alagad may mga lokal na power plant na dinisenyo tanganing mas episyenteng mag-operate gamit an coal na mas halangkaw an calorific value.

Sa proposed coal terminal,linalaoman ni Garin na mas mapapahewas kan nasyon an paggamit kan coal na ginigibo sa Semirara.

Kinokonsiderar kan Department of Energy an sarong lugar sa Mindanao para sa coal terminal, alagad an eksaktong lokasyon depende pa sa feasibility study.

Kinakaipuhan na harani an pasilidad sa sarong pantalan tanganing mapadali an paghawak asin pagbiyahe kan coal.

An paghinguwa kan Pilipinas na mabawasan an pagsarig sa imported coal nangyayari habang naghihiro man an Indonesia na sentralisaron an pag-export kan mga importanteng produkto, kaiba an coal.

Sa irarom kan bagong export rules kan Indonesia, kinakaipuhan kan mga kompanya na i-report sa sarong state firm an saindang mga aktibidad sa pag-export kan coal.

Advertisement

Swiss gardener, nakapatubo nin sili na haros duwang ruler an laba

By
Bombo Naga News Team
-

Aram baya nindu mga kabombo, nakaguno an sarong Swiss gardener nin chili pepper na may labang 1 foot asin 8.6 inches, na nakapasa sa Guinness World Record sa pangatolong beses.

Si Jürg Wiesli an enot na nakapagtao nin Guinness World Record para sa pinakahalabang chili pepper kan Oktubre 2017, kan sukaton an saiyang chili na may labang 1 foot asin 5.7 inches sa sarong vegetable competition sa Jona, St. Gallen.

Napasa niya an saiyang sadiring record kan sunod na taon, kan makapagpatubo siya nin chili pepper na may labang 1 foot asin 7.9 inches.

Pangatolong beses nang nakua ni Wiesli an record matapos sukaton an saiyang pinakabagong chili pepper na may labang 1 foot asin 8.6 inches kan Agosto 11.

Segun ki Wiesli sa Guinness World Records, sinisimulan niya an mga buto sa laog kan Marso, gamit an grow lights sa temperatura na 28 degrees Celsius o 82 degrees Fahrenheit.

Sa katapusan kan Abril, itinatanom niya an mga ini sa hardin, kun mayo na an peligro nin frost.

Sinabi niya na tinatambakan asin hinahaloy an daga, saka hinahaluan nin dakul na mature compost.

Kinakaipuhan man an regular na pagbubo asin balanseng fertilizer, alagad dai dapat sobra.Segun saiya, kun sobra an fertilizer, an mga tanom nagpoprodyus sana nin dakul na dahon imbes na mga sili.

Advertisement

Rep. Acidre, nangapodan sa gobyerno na langkawan an reimbursement sa libreng kolehiyo

By
Bombo Naga News Team
-
Photo © web

Hinagad ni TINGOG Party-list Rep. Jude Acidre na taasan kan gobyerno an reimbursement sa mga State Universities and Colleges o SUCs tanganing masiguro na sapat an pondo para sa de-kalidad na edukasyon.

Segun kay Acidre, dapat pag-adalan an pagtaas asin pag-uniporme kan tuition rate sa mga SUC sa ₱200 kada unit.

Paglilinaw niya na dai ini dapat ipasa sa mga estudyante huli ta libre an tuition sa irarom kan Free Higher Education o FHE program, asin gobyerno an dapat magbayad kaini.

Ipinahiling kan Commission on Higher Education o CHED na magkakaiba an tuition rates sa mga SUC.

May mga SUC na ₱50 sana kada unit an singil, mantang an iba naman umaabot sa ₱1,000 kada unit.

Segun sa CHED, kinakaipuhan man nin dagdag na ₱2.4 bilyon tanganing maitukdo sa ₱200 kada unit an tuition reimbursement para sa mga SUC na mas hababa digdi an singil.

Iginiit ni Acidre na mahalaga an sapat na reimbursement huli ta dakul pa man na SUC an nangangaipuhan nin dagdag na pondo para sa mga classroom, mga gurò, kagamitan asin iba pang pasilidad.

Ini-report man kan CHED na 68 porsyento kan 541 SUC asin campuses sa saindang enot na pagsusuri an naglapas na sa tinatayang kapasidad kan saindang enrollment.

Tinawan doon ni Acidre na an libreng kolehiyo bako sana manungod sa mayo nin tuition fee.

Dapat man masiguro kan gobyerno na sapat an resources kan mga SUC tanganing makapagtao nin de-kalidad na edukasyon.

Advertisement

Tulfo, tinawan -doon na dapat trasparent an pagpresyo kan krudo sa nasyon

By
Bombo Naga News Team
-

Tinawan-doon ni Senate Committee on Energy Chairman Erwin Tulfo an pag-amyendar sa Oil Deregulation Law tanganing magin mas malinaw asin transparent an paagi kan pagtakda kan presyo kan langis sa nasyon.

Segun kay Tulfo, dapat magkaigwa nin mas dakulang kapangyarihan an Department of Energy o DOE na magtao nin paliwanag sa mga kompanya nin langis sa kada pagtaas nin presyo kan produktong petrolyo.

Sigon sa senador, dai dapat basta na sana ipasa sa mga motorista asin transport sector an biglaan na pagtaas kan presyo kan krudo na mayo nin malinaw na paliwanag kun paano ini itinakda.

Magigirumduman, haluy ng hinahagad kan transport sector an mas malinaw na pagpapaliwanag manungod sa mga pagbabago sa presyo kan langis, huli ta direktang nakakaapekto ini sa saindang kabuhayan asin sa presyo kan mga barakalon.

Inihalintulad man ni Tulfo an Oil Deregulation Law sa Electric Power Industry Reform Act o EPIRA, na segun saiya, nagin dalan sa pagpasar kan nagkapirang gastos kan mga kompanya nin kuryente sa mga konsumidor.

Dagdag pa kan senador na dai sana dapat pagtuunan nin atensyon kun gurano kasadit o kadakula an puwedeng mabawas sa presyo kan langis.

Importante suboot an an kada pisong nasisave kan mga ordinaryong Pilipino, lalo na ngunyan na halangkaw an presyo kan langis asin iba pang primerong barakalon.

Advertisement

DILG nagtarget nin mas ligtas na PH sa 2027 ₱332.50-B na kahagadan sa badyet

By
Bombo Naga News Team
-

Pigrerepaso kan House Committee on Appropriations an proponidong P332.50-billion na budget kan Department of the Interior and Local Government (DILG) para sa taon 2027 na may katuyuhan na pakusugon an seguridad kan publiko, labanan an krimen, asin pagresponde sa mga kalamidad.

Segun ki Camarines Sur Rep. Arnie Fuentebella, an katuninongan asin katultolan an pundasyon kan pagtalubo kan ekonomiya.

Ipigmalaki man kaini an mas marikas na limang hasta pitong minutos na emergency response time kan gobyerno asin an 30.15% na pagbaba kan cybercrime sa nasyon sa tabang kan Philippine National Police (PNP).

Ipinahayag ni DILG Secretary Jonvic Remulla na gagamiton an budget para sa modernong teknolohiya kan PNP tanganing mas marikas na madetektaran an mga krimen, kaiba na an mga school safety threats na naglalakop sa internet.

An propuestong pondo para sa 2027 7.10% na mas halangkaw kisa kan 2026, kun saen 95% an maduman sa operasyon kan PNP, Bureau of Fire Protection (BFP), asin Bureau of Jail Management and Penology (BJMP).

Advertisement

Prosekusyon hiit na palawigon an oras kan impeachment ni VP Sara – Barbers

By
Bombo Naga News Team
-

Hiniling kan prosekyuson sa Senate Impeachment Court na palawigon an hearing time o dagdagan pa nin trial days tanganing maparikas an impeachment trial laban ki Bise Presidente Sara Duterte.

Segun kay tagapagtaram kan House impeachment panel na si Ace Barbers kan Sabado, an mga tawo nagigin nawawaran nin pasensya sa pag-uswag kan kaso, orog na ta an mga aldaw nin paglilitis nabawasan huli sa mga nakaaging suspensyon asin mga problema sa mga iskedyul kan mga testigo.

Iminungkahi ni Barbers na gibohon an lehislatibong trabaho kan mga senador sa aga poon alas 9:00 nin aga sagkod alas 3:00 nin hapon, asin an pagbista sa impeachment dapat na sumunod tulos pagkatapos.

Tanganing maparikas an proseso, sinabi ni Barbers na pinag-iisipan man kan prosekusyon an pagbawas kan bilang kan saindang mga testigo kun an saindang sinasabi saro sanang pag-otro.

Inapod man niya an mga blogger sa media asin social media na gibohon na mas halipot asin mas madaling masabutan an saindang mga paliwanag sa publiko tanganing dai sinda mawaran nin interes sa pagsunod sa progreso kan paglilitis.

Advertisement
123...1,754Page 1 of 1,754

More News

Suplay kan pagkakan sa Nasyon, Namemeligro huli sa El Niño- DA

Bombo Naga News Team - 0
Inalerto kan Bangko Sentral ng Pilipinas (BSP) an Department of Agriculture (DA) sa mayor na huma sa suplay asin presyo nin kakanon kan nasyon...

PBBM, nakisumaro sa pag-rumdom sa mga bayani kan nasyon ngonian na...

Naga Nag-Andam sa Ligtas asin Malinig na Peñafrancia Festival; Mga salog...

Nagkapirang PLM Students, Kinuwestyon an pagtao nin Honorary Degree ki PBBM

Pinakaenot na coal blending terminal, planongipatugdok sa Pinas

--Advertisement--