Nairehistro kan Estados Unidos an primerong pagkuriyat kan nakakagadan na H7N9 bird flu sa sarong poultry farm magpuon kan nakalihis na taong 2017.
Natukoy an virus sa sarong kawan kan 47,654 manok sa Noxubee, Mississippi, susog sa World Animal Health Organization.
Pig puonan na an paggadan sa apektadong mga manok, mantang nagsasagibo nin masusing imbestigasyon an mga awtoridad.
Matinding tinamaan kan nasambitan ng avian influenza an mga poultry farm sa bilog na kinaban, rason man kan paglangkaw kan presyo nin pagkakan asin pagkahadit sa panibagong pandemya.
An H5N1 strain an nagin pinakapanira sa mga nakalihis na taon, na nagkawsa nin impeksyon asin pagkagadan kan mga tao.
Alagad orog man na mas nakakagadan iyo an H7N9, na may haros 40% fatality rate sa mga nairehistrong kaso magpuon kan nakalihis na taong 2013, sigun sa World Health Organization.
Nagpapa utob man an mga awtoridad sa U.S. nin mas pinahigot na pagbabantay tangani man mapugulan an orog pang pagkuriyat kan virus.
