Death Toll nagpakol na sa 76 sa trahedya kan Mv June Aster sa Coron, Palawan

Nagsakat na sa 76 an kumpirmadong bilang kan mga nagadan sa nasulong na MV June Aster ferry sa Coron, Palawan, segun sa Philippine Coast Guard (PCG).

Naglangkaw ini nin 41, mantang 13 pang indibidwal an padagos na pinapahanap.

Sa ibong kaini, 43ng pasahero an kumpirmadong nakaligtas sa makatristeng insidente.

Sinabi ni PCG Spokesperson Noemie Cayabyab na an mga narekober na bangkay dadarahon sa BRP Cape Engaño.

Base sa opisyal na listahan kan mga pasahero, 134 an may pangaran na nakasakay, mantang duwa an dai nakasakay sa barko.

Kinumpirma man kan PNP-SOCO an pagkakarekober nin sarong alagang ayam kaiba kan mga bangkay.

Sinabi kan mga awtoridad, kaiba an PCG, na an bilang pwedeng magbago pa mantang padagos an tamang pagrekober asin pagmidbid.