Urog pang pinahiwas kan Department of Education (DepEd) an kampanya kontra sa kadahasan sa mga eskwelahan asin nagpatanid na an mga estudyanteng mapatutunayan na nagkasala nin pang-bubully isasairarom sa exclusion o paghale sa mga eskwelahan.
Sa irarom kan bagong DepEd Order No. 006, s. 2026 o Guidelines on Ensuring a Safe and Motivating Learning Environment (ESMLE), kabali sa mga penalidad na pwedeng ipaotob sa mga estudyante na napag-araman na nagkasala sa siring na mga pagbalga iyo an dai pag-admitir giraray, tulos na pag-eksklusyon, asin mandatory referral sa law enforcement o social welfare authorities, para sa mga estudyante na napag-araman na naggigibo nin mga seryosong pagbalga.
An enot na lebel (minor infractions) pwedeng magresulta sa written reprimand, parental notification, at guidance counseling.
Second-level (serious offenses) o paulit-ulit na bullying, online harassment may penalidad na suspension nin hanggang 5 aldaw, DSWD referral, non-readmission sa ikaduwang pagbalgar.
Mantang an ikatolong lebel (high-risk acts) o severe physical harm, bomb threats, dangerous hoaxes ay non-readmission sa primerong pagbalgar, permanent exclusion sa ikaduwa, turnover sa awtoridad.
Segun sa DepEd, kun may mahiling na senyales nin pang-bully, direktang maresolberan ini kan mga paratukdo mantang sa second-level, possibleng makiaram an Learner Formation Officer asin magtao nin rekomendasyon sa school head. An pamayo kan eskwelahan iyo an responsable sa mga pagkakasala sa ikatolong lebel asin an implementasyon kan mga katumbas na sanksyon.
