Sinugo kan Department of Education (DepEd) an pagpapautob kan School Sports Club (SSCs) sa gabos kan pampublikong elementarya asin high school komo parte kan pagpapamarhay sa pisikal na lawas kan mga estudyante.
Sigun ki Education Secretary Sonny Angara, obheto kan lakdang na ini na maikonektar an kalusugan asin academic recovery kan mga estudyante makalihis an nakalihis na pandemya.
Basado sa datos kan DepEd, dae naabot kan kadakol na mga kaakiang Pilipino an rekomendasyon kan Word Health Organization na 60-minutong physical activity kada aldaw, huli sa haloy na oras na pagtukaw sa klase asin epekto kan remote learning kan nakalihis na pandemya.
Sa paagi kan SSCs asin kasabay kan Physical Education curriculum, magkakaigwa nin 2 hasta 3 oras na sports activity para sa mga estudyante.
Gigibuhon man na mandatory an Arnis sa mga pampublikong eskwelahan, mantang an iba pang sports asin ibabase sa interes kan mga estudyante, pasilidad kan eskwelahan asin mga gamit na igwang an mga ini.
Ibubusol man an unified sports kun saen sabay na makawat an mga aking igwang kapansanan, tanganing ibusol an inclusivity, pagkakaigwang amigo, asin basawan an bullying.
Alagad maski magigin mandatory an pagkakaigwa nin SSCs sa mga eskwelahan, boluntaryo asin bukas sa gabos an pagbali kaibahan an mga nasa Alternative Learning System asin learners with disabilities.
