NAGA CITY – Makundusir nin culminating activity para sa selebrasyon kan World Teacher’s Day sa October 3 an Department of Education Iriga.
Sa entrevista kan Bombo Radyo Naga ki Rommel Velasco Head Tacher I, Alternative Division Information Officer kan DEPED Iriga, sinaysay kaini na an nasambitan ng selebrasyon an pagtao nin pagbisto sa mga outstandings teachers, school heads asin non-teaching personnel sa paagi kan selebrasyon kan world teachers day division.
Katakod digde, ikukundusir an selebrasyon sa Sports Center kan LGU Iriga puon alas 8 hasta matapos an nasambitan ng mga program.
Mientrastanto makalihis an awarding ceremony magkakaigwa nin presentation by district komo parte kan maogmang selebrasyon.
Alagad magkakaigwa pa man nin mga school based celebration an mga eskwelahan depende sa saindang iskedyul na napili.
Sa ngunyan, kasabay kan aktibidad na ini pigpapaubatan man nin pagbati ni Velasco an gabos na mga paratukdo sa bilog na kinaban para sa mayong untok na suporta kan mga ini para sa marhay na futuro kan mga kaakian.
