Nangapudan an Department of Education (DepEd) sa Philippine National Police (PNP) asin iba pang law enforcement agencies na higutan an pagpapakundusir kan maykagsadiri kan badil makalihis mairido an sarong siyam na anyos na estudyante sa General Santos City kan aksidenteng pumutok an sarong .38 caliber revolver na tigkakawatan ninda kan saiyang kakawat.
Segun kay Education Secretary Sonny Angara, an mga kasu arin na insidente na manungod sa pag-kapot kan mga hubenes sa mga badil ay iyo nang nakakahandal.
Tinawan-duon kan Kalihim na dapat lamang na higutan na an pagpapakundusir kan responsableng gun ownership, katakod ang mas estrikto na background checks sa mga nagkukua nin lisensya kan baril, regular na inspeksyon sa tamang pag-tatago kan mga baril, asin mas estrikto na kampanya kontra sa mga gumagamit nin iligal na badil.
Alagad ang PNP an nangengenot na ahensyang nagkundusir sa pag-regulate nin mga baril asin pag-iisyu kan permits, sinabi ni Angara na importante man an papel kan mga magurang asin gurdian para sa tamang pagtutukdo nin tamang gun safety sa saindang mga aki.
Segun pa, dapat tukduan an mga aki na dae magkapot nin baril, maintindihan an peligro kaini, asin tulos na magusip sa nakakagurang kun may nahiling sindanh badil.
Kasabay kaini, giraray ininsiter kan DepEd an estrikto na pagpapatupad kan zero-tolerance policy kontra sa pagdadara kan mga badil, bala, patadom, asin iba pang pampasabog sa laog kan mga eskwelahan asin sa gabos na school activities, alinsunod sa Guidelines on Ensuring a Safe and Motivating Learning Environment.
Inatasan man an mga eskwelahan na higutan an security protocols, magsagibo nin inspeksyon, regular risk assessment, asin tulos na i-usip sa PNP an anumang ilegal na armas na madidiskubre sa mga estudyante.
