Depensa ni VP Sara, kinwestiyon an bagong conviction threshold sa impeachment

Kinuwestiyon ni Atty. Paolo Panelo, an tagapagtaram ni Vice President Sara Duterte, an desisyon kan senate impeachment court na liwaton an interpretasyon kan voting threshold para sa pagkonbikto sa impeachment trial.

Segun ki Panelo, malinaw sa Konstitusyon an kaipuhanan na bilang nin boto para makondenar an sarong opisyal na pwedeng i-impeach, alagad binago daa kan mayorya kan mga senador-huwes an interpretasyon kaini.

Huli kaini, kinondenar ni Panelo an naging ruling kan impeachment court asin ilinadawan an proseso bilang “Lokohan lang ’to.”

An pahayag ni Panelo kasunod kan 13-1 na botohan kan impeachment court, kun saen anom na senador-huwes an dai nagpartisipar, para liwaton an naenot na interpretasyon kan two-thirds conviction threshold.