Pabor si Department of Public Works and Highways (DPWH) Secretary Vince Dizon na bawasan an P268.3 billion pondo kan ahensiya sa flood control projects para sa masunod na taon.
Sinabi ni Dizon na dapat sana ining bawasan nin dae nabubugtak sa alanganin an iba pang mga lugar na nangangaipuhan talaga kan proyekto.
Pigtawan-duon pa kan sekretaryo na kadakol talagang dapat pakarhayon asin linigon sa mga flood control projects kan mga nakalihis na taon.
Nagtutubod si Dizon na dapat magkaigwa nin dakulang pagbaba sa budget kan flood control tanganing an mga kwestiyunableng proyekto an mahali.
Naghagad man si Dizon sa kamara na tawan sinda nin bastanteng oras tanganing saindang mapakarhay an saindang prosopwestong 2026 budget.
Aminado an sekretaryo na nao-overwhelm ini asin nariribong huli sa gulo na saiyang naabutan puon kan magtukaw na bagong sekretaryo kan ahensiya.
Enot ng ibinunyag ni House Deputy Speaker Ronaldo Puno na may nahiling sindang kwestiyunableng proyekto sa 2026 NEP sa DPWH.Sigun ki Dizon pigbibisto kaini an nagin lakdang kan mga Kongresista.
