Pig-paluwas na kan Department of Health (DOH) na nagpakol na sa 354 an mga kaso kan rabies na nairehistro ninda sa nasyon magpuon kan na bulan kan Enero 1 hasta Setyembre 14, 2024, asin gabos na pasyente bawian nin buhay.
Sigun sa DOH, an nasambitan na bilang nag-abot sa 23% na orog na halangkaw kumparar sa 287 kaso na nairehistro sa kaparehas na panahon kan nakalihis na taon.
Nasa 10 rehiyon man sa nasyon an nakapagrehistro nin dagos na paglangkaw kan rabies cases sa nakalihis na bulan, kadayon an National Capital Region (NCR), Ilocos Region, Cagayan Valley, Bicol Region, Central Visayas, Eastern Visayas, Zamboanga Peninsula, Northern Mindanao, Davao Region, asin Soccsksargen.
Sa ibong man kaini, naobserbaran man suboot ninda an consistent na bilang kan rabies cases sa nasyon, na nagpapahiling nin pagbaba kan mga kaso.
Katakod kaini, padagos na pig-iinkaminar kan DOH an publiko na magtinir na vigilante asin proactive tanganing maibitaran an rabies transmission.
Mientrastantto, pigtawan doon pa kan DOH, na posibleng malikayan an rabies sa paagi kan timely vaccination sa ataman na hayop asin taong na-exposed sa virus.
