Pigpatanidan kan Department of Health (DOH) kan nakalihis na aldaw nin Lunes, Marso 3 an publiko kontra sa heat-related illnesses siring na sana kan heat cramps, heat exhaustion asin heat stroke na mas piglalaoman ngunyan na malaog na an sa dry season.
Susog ini sa state weather bureau na PAGASA sa tulong lugar na pwedeng maka-eksperyensya nin delikadong antas kam heat index. Kabali na digde an Science Garden Quezon City (46°C), Clark Airport, Pampanga (46°C), asin CLSU Muñoz, Nueva Ecija (45°C).
Sinabi ni DOH spokesperson Asssitant secretary Albert Domingo na an siring na temperatura ay pwedeng mag abot sa heat cramps o pamumulikat asin heat exhaustion o pagkahapo na igwa nin mga sintomas siring kan pagkapagal, pagkaliyo, kulog kan payo asin pagsusuka.
Pagirundom ni Domingo, an halangkaw na pagkakalantad sa init an nagpapapahiling man nin posibilidad nin heat stroke, sarong seryosong kondisyon na may pagkawara nin malay, seizure, kumbulsyon posibleng makagadan kun dae pigbubulong.
Inabisuhan man kan DOH an publiko na kung maka-eksperyensya man nin mga siring na sintomas ay dapat na sunduon na sana an mga first aid measures. Suhesyton pa ni Domingo na gumamit nin proteksyon sa saldang siring na sana kan paggamit nin kalo, payong, sunblock asin magsulot nin haluag asin magian na mga bado.
Mientrastanto, susog sa PAGASA, medyo normal na an matinding temperatura na nagtatama sa nasyon ngunyan na taon nin huli ta nagpuouon nang magbalyo an nasyon gikan sa tag uran pasiring sa tagtuyot.
Kawsa kan halangkaw na heat index, pirang syudad asin eskwelahan an nagkanselar nin klase kan nakalihis na aldaw nin Lunes.
Mantang nag abot na man sa 40 degree celsius an heat index sa Manila, sigun sa Manila LGU. Maka-eksperyensya nin maalinsangang panahon sa nagkapirang parte Maynila. Basado pa ini sa nairehistro sa sensor kan Manila DRRMO sa Delpan Evacuation center asin Brgy. 598 Hall.
Siringpaman, sa abiso kan DRRMO, posibleng iba man an naeeksperyensyahang init sa pirang lugar huli sa localized an heat index. Sa Arroceros Forest Park, nin huli kadakol na mga kahoy, ay mas hababa nin 5 degree celsius an mairerehistrong init.
