Nahihiling kan Department of Health (DOH) na maabot sa 215,400 an kabilugan na kaso kan Human Immunodeficiency Virus (HIV) sa pagtatapos kan taong 2024.
Segun sa datos kan DOH na igwa nin 4,595 na kumpirmadong HIV-positive na mga individuals gikan Hulyo hasta Setyembre 2024.
Sa nasambitan ng bilang igwa nin 1,301 o katampad kan 28 percent digde an igwa nin advance HIV infection sa panahon kan saindang diagnosis.
Igwa man soboot nin 50 HIV cases an naitatala sa nasyon kada aldaw kun saen 4,362 digde o 95 percent an mga kalalakihan mantang 233 o 5 percent mga kababaihan.
Kan nakalihis na panahon kan COVID-19 pandemic ay bumagsak an kaso kan HIV sa nasyon asin naglangkaw na sana ini pagabot kan 2022 hasta 2023.
Pigsaysay ni Health Secretary Ted Herbosa na an susi para sa marikas na maaraman kan nasambitan ng kaso an regular na magpapa-check up.
