Ipinahayag ni Health Secretary Edwin Mercado an plano sa ginibong hearing kan Senate Committee on Finance sa budget proposal kan DOH kan Biyernes.
Sigon ki Mercado, kabali sa mga ipapadara an mga doktor, nurses, radiologic technologists, asin medical technologists tanganing ma-augment an mga health personnel sa mga lugar na nangangaipo nin dagdag na serbisyo.
Sa ibong kaini, sinabi ni Mercado na dae tulos matatawan nin atensyon an total shortage kan mga health professionals sa nasyon. Sa presenteng rikas kan produksyon kan mga health workers, pigkakarkulong maaabot pa nin pitong taon antes maabot an target ratio kan DOH, huli ta pigkokonsiderar man an paglangkaw kan populasyon asin an paghale kan mga health workers sa serbisyo.
Bilang pansamantalang lakdang, pig-aadalan man kan DOH an task shifting, kun saen an iba pang mga kwalipikadong health workers pwedeng ma-assign na maggibo nin nagkapirang trabaho na usually piggigibo kan mas specialized personnel.
Mientrastanto, hinagad ni Senador Joel Villanueva sa DOH na siertohon na igwang supisyenteng pondo bako sana sa recruitment asin deployment kan mga health workers, kundi para man sa saindang training asin maintenance sa serbisyo.
