NAGA CITY- Pig-orgulyo kan Non-Government Organizations sa banwaan nin Calabanga an saindang programa na pig-apod na Donate Clothes on Wheels.
Sa entrevista kan Bombo Radyo Naga ki Boss Brojs Torbotz, negosyante gikan sa banwaan kan Calabanga, sinaysay kaini na obheto kan saindang programa na makatabang sa mga kasaraditan o nangangaipuhan dawa sa sadit na paagi.
Katakod kaini, katabang an mga business owners kan ukay-ukay asin iba pang negosyo, nagtitipon soboot sinda kan mga dae na nababakal na paninda asin makalihis na makatipon saindang pigde-destrebwer ini sa mga tawo na mayong pambakal nin gamit orog na sa mga nasa remote areas.
Sigun ki Torbotz, imbes kaya na apunon mas marhay kung mapapakinabangan pa kan iba orog na ta kadakol an nagtitios sa presenteng panahon.
Paliwanag pa man kaini na kaya soboot inapod na donate clothes on wheels nin huli ta gamit an mga lunadan saindang pigbibisita an mga tawo, barangay, municipalidad asin pigtatao an donasyon na saindang natipon.
Sa nguyan, hagad na sana kaini na makanood na magin bukas sa pagtabang sa iba orog na sa mas nangangaipuhan.
