Nakipagtabangan an Department of Tourism (DOT) asin Integrated Bar of the Philippines (IBP) tanganing matawan nin libreng legal na serbisyo sa mga accredited tourism stakeholders asin frontline workers, orog na an mga gikan sa micro, small, asin medium enterprises (MSMEs).
Pig-anunsyar ninda Tourism Secretary Christina Garcia Frasco asin IBP National President Antonio Pido an partnership na ini kan nakalihis na Huwebes sa 20th National Convention of Lawyers sa Cebu City.
Sigun ki Frasco, an kasunduan an nagpapahiling kan obheto kan DOT asin Integrated Bar of the Philippines na magbusol kan inklusibong pag-uswag asin pakusogon an akses sa katarungan sa sektor kan turismo.
Kaibahan man sa plano an pagbilog kan 24/7 tourist courts tanganing maparekas an pagresolbar kan mga isyu sa turismo sa mga primerong destinasyon sa nasyon.
