Mabalik an negosasyon sa pag-ultanan kan Estados Unidos asin Iran ngunyan na semana sa Pakistan, sa ibong kan pagharang sa pantalan kan Estados Unidos laban sa Iran.
Susog sa report, an katuyuhan kan orolay iyo na pag-olayan an programa nuclear kan Iran, an eksistidong untok-putok, asin an pagbukas kan Strait of Hormuz, na kritikal sa suplay nin langis sa bilog na kinaban. Kan Abril 14, 2026, an Estados Unidos nagdeploy nin labing 10,000 na tropa, barkong panggiyera, asin eroplano sa pagharang, na inapod kan Tehran na “piracy.” An Iran nagbanta man na salakayon an mga barko na nag-aagi sa Strait of Hormuz.
An presyo kan lana buminagsak sa ibaba kan $100 pagkatapos na magbutwa an posibilidad na ibalik an negosasyon.
Sa ibong kan tensyon, an mga orolay nahihiling na importante huli ta sobra sa 20% kan mga suplay nin lana asin gas sa bilog na kinaban an minaagi sa Strait, asin an IMF nagpatanid na an sarong gera pwedeng makaapektar sa ekonomiya kan kinaban kun ini magpapadagos.
