Pigsayumahan kan Department of Tourism (DOT) an mga alegasyon na piggagamit an posisyon kaini o pondo kan gobyerno para sa personal na promosyon ni Tourism Secretary Esperanza Christina G. Frasco katakod kan sarong magazine cover, kasunod kan pahayag kan sarong photographer sa internet.
Sa pahayag kan DOT na pigluwas kan Disyembre 31, 2025, sinabi kaining sala asin mapanlinlang an mga paratang asin mayo ining kinaaraman sa pagpili o paggamit kan litrato sa nasambitan na publikasyon, na sarong pribadong magazine.
Piglinaw pa kan ahensya na dae ini kinontrata, pinondohan, o direktang kinaulay an pagpapagibo kan cover o feature story kan nasambitan na magazine.
Dugang pa kan DOT, an company publication igwang sadiring editorial discretion asin independently kaining pigkakaputan an World Expo Osaka, kaibahan an mga katakod na aktibidad.
An pahayag kan DOT kasunod kan sarong Facebook post kan photographer na kalaunan pigpura, kun saen pigpahayag kaini an pagkadismaya sa nasambitan na magazine cover makalihis soboot ining magtrabaho sa pagkua kan ribu-ribong ladawan kan mga tourist destination sa nasyon.
