Itatalaga komo bagong sekretaryo kan Department of Public Works and Highways (DPWH) si Department of Transportation (DOTr) Secretary Vince Dizon makalihis na magbutas sa saiyang katungkulan si DPWH Sec. Manuel Bonoan.
An panibagong pagtatalaga na ini an obheto na mas pokusan asin tawan aksyon an mga isyu na pumapalibot ngunyan sa kagawaran dapit sa maanomalyang flood-control projects kun saen inatasan si Dizon na siertuhon na an pondo ay ginagamit sa mga pagpapatugdok nin mga imprastraktura na iyong mapapakinabangan kan publiko.
Sisiguraduhon man na sa irarom kan liderato ni Dizon, mas mapapamarhay asin masairarom sa modernisasyon an transportation sector asin susuportaran an prayoridad sa kasalbaduhan kan mga komyuter asin mas marahay na project delivery.
Mintrastamto, an nasambitan ng pagtatalaga an nagpapahiling nin pusog na paninidugan kan presenteng administrasyon na maresolbar asin man mapanimbag sa ley an mga opisyal na naggigibo nin katiwalian asin korapsyon asin dae nakakapagtao nin mga epektibong serbisyong publiko.
An pagbabago man na ini an nangyari sa tahaw pa man kan imbestigasyon sa mga maanomalyang mga flood-control projects sa manlaen-laeng parte kan nasyon asin nilalaoman na magigin epektibo ngunyan na aldaw, Setyembre 1, 2025.
