Pigbuyagyag ni Senate President Pro Tempore Panfilo “Ping” Lacson na nag-abot sa dae mababa sa P50 bilyon gikan sa unprogrammed appropriations kan 2024 national budget an pigtagama kan Department of Public Works and Highways (DPWH) para sa mga proyekto sa imprastraktura, kaibahan na an ₱30 bilyon para sa mga flood control projects.
Sigun ki Lacson, malinaw na indikasyon ini na padagos an nagkapirang opisyal kan DPWH sa pagpapautob kan mga proyektong dae alinsunod sa master plan kan gobyerno.
Ipinunto kaini na garo natuod na an ahensiya sa pagpopondo kan mga flood control projects na dae nagtutugot sa kabilogang plano kan gobyerno.
Ipigheras man ni Lacson na an pondo gikan sa unprogrammed appropriations an garo ipigheras sa manlaen-laen na distrito nin mayong malinaw na basehan na nagresulta sa pagdakol kan mga proyektong flood control.
Ini soboot an patunay kan pauru-utrong pang-aabuso sa pondo kan bayan.
Mientrastanto, nanindugan man si Lacson na hahalion kan Senado an ₱42 bilyong nakatagama para sa social assistance programs o “ayuda” gikan sa unprogrammed appropriations kan 2026 national budget bill.
Dapat sana na an mga siring na klase kan programa an ibugtak sa regular na budget asin bako sa unprogrammed funds na nakatagama dapat sa mga foreign-assisted projects sana.
Sinaysay pa ni Lacsn na nagkakasararo an mga lider kan Senado kaibahan sinda Senate President Vicente Sotto III asin Sen. Sherwin Gatchalian, sa paninidugan kaini.
