Pig-eenkaminar ni Department of Public Works and Highways (DPWH) Secretary Vince Dizon an publiko na magtabang tanganing masugpo an katiwalian sa ahensya.
Pangapudan ni Dizon, magin mata asin talinga kan nasyon kontra sa mga palpak o dae nagibong proyekto kan DPWH kun saen paagi na ini tanganing maibuyagyag an mga tiwaling indibidwal.
Sigun sa sekretaryo, kun igwang nahihiling na kahina-hinalang proyekto kan DPWH sa probinsya o barangay, tolos ining kuanan nin ladawan asin i-report sa saindang ahensiya.
Pig-eenkaminar man kan publiko na i-report an mga opisyal kan saindang ahensya na nagpapahiling nin labi na yaman sa social media siring kan mamahalon na kotse asin harong na dae nagtutugma sa saindang posisyon.
Pigsambit pa kan sekretaryo na siring kan nakasanayan sa pagre-report kan mga “kamote driver,” ipahiling soboot an mga salang gibuhon tanganing madakop an mga imbwelto sa nasambitan ng katiwalian.
Pigtawan duon pa ni Dizon na gabos kan imbwelto sa katiwalian an paninimbagon maski pa amigo o kaalyado kan Presidente.
