NAGA CITY– Gadan an sarong drug personality mantang iridu man an sarong pulis makalihis mapuli sa shootout an anti-ilegal drug operation kan mga otoridad sa Barangay Gubat, Daet, Camarines Norte.
Binisto an nagadan na si Arthur Pollante, 18-anyos.
Sa nakuang impormamsyon kan Bombo Radyo Naga gikan sa Camarines Norte Police Provincial Office (CNPPO), napag-araman na enot nang ipinasairarom si Pollante sa buy bust operation alagad narisa soboot kaini na pulis an saiyang katransaksyon.
Katakod kaini, tulos na pinaputukan ni Pollante an operating team asin tinamaan si SPO2 Rommel Sebastian.
Katakod kaini, tulos na nagbalos nin putok an kapulisan hasta sa tinamaan sa daghan an suspek na pinurbaran pa kuta nang idalagan sa ospital alagad idineklara nang dead on arrival kan mga doktor.
Mientrsatnto, narekober sa suspek an anom na sachet kan pigtutubudang shabu, badil asin an ginamit na buy bust money.
