NAGA CITY- Klinaro ngonian kan Department of Social Welfare and Development (DSWD) Region Bicol na hale sa kwarta kan banwaan an Emergency Shelter Assistance (ESA) na pinapanao ngonian sa mga apektadong residente sa rehiyon.
Sa entrevista kan Bombo Radyo Naga ki Arnel Garcia, regional director kan DSWD-Bicol, sinaysay kaini na dakula an papel kan gobyerno provincial sa pananao kan nasambitan nang asistensya sa mga namamanwaan.
Alagad tinawan duon ni Garcia na solamenteng si Presidente Rodrigo Duterte sana an dapat na tawan nin “credits” para sa mga siring na programa huli ta ini man suboot an nagtulod na magpaluwas kan ESA sa mga residenteng naapektaran kan bagyong Nina kan taon 2016.
Kung marurumduman, enot nang nagbungkaras an bareta katakod kan pagkakaguyod suboot kan ESA kan DSWD sa mga amay na pangangampanya kan nagkapirang pulitiko sa probinsya.
