Pigtawan-duon kan Department of Social Welfare and Development an pangangaipuhang makapaghatod nin tulos na tabang sa mga residenteng apektado kan padagos na pag-aalburuto kan Bulkang Kanlaon.
Sigun ki DSWD Secretary Rex Gatchalian, magpapadagos an pagheras ninda nin cash aid sa mga Kanlaon Evacuees kun saen, nakakaresebir ini nin tig P5,000.
Ginawa kan sekretaryo an pahayag kasunod kan nagin pagbisita kaini sa mga residenteng nagtitinir sa mga pigtindog na evecuation centers sa probinsiya kan Negros Occidental.
Kaibahan ni Gatchalian sa pagbisita sa lugar si Presidente Ferdinand Marcos Jr. Sigun sa sekretaryo, apwera sa cash aid nagpaabot man sinda nin food asin non-food items.
Sa datos kan ahensiya, mapakol sa kabilogang 2.4 milyon na kahon nin family food packs asin P46.6 milyong standby funds an nagtitinir na available para sa kakaipuhanong tabang kan mga lokal na gobyerno.
