Kumpirmado kan mga kaparientes na binawian nin buhay si Dueñas, Iloilo Vice Mayor Aimee Paz Lamasan mantang pigbubulong sa ospital ngunyan na Disyembre 31, 2025.
Si Lamasan an isinairarom sa ikaduwang operasyon makalihis magtamo nin tama kan bala sa tuong parte kan tulak huli sa soboot accidental firing sa laog kan saiyang harong sa Puerto Real de Iloilo Subdivision, La Paz, Iloilo City kan nakalihis na aldaw, Disyembre 30, bandang alas-7 nin pagkaaga.
Susog sa report, tulos na dinara sa ospital an bise alkalde asin sumairarom sa operasyon tangani na maisalbar an saiyang buhay.
Siringpaman, dae ini nakasalbar sa komplikasyon gikan sa lugad na sinapo.
An saiyang biglaang pagkagadan an nagkawsa nin matinding kamunduan sa mga kababayan asin man kapwa opisyal sa probinsya.
Padagos man na iniimbestigaran kan mga awtoridad an insidente tangani na matukoy an eksaktong pangyayari sa laog kan saiyang istaran.
