Kinulong sa United States an duwang Chinese national na sinentensiyahan nin 30 bulan na pagkakakulong huli sa pagprobar na mag-recruit nin mga miyembro kan US military bilang mga espiya para sa China.
Binisto sinda na sinda Liren “Ryan” Lai asin Yuance Chen, na nag-ako kan saindang partisipasyon sa pagkua nin mga sensitibong impormasyon na may relasyon sa seguridad nasyonal kan Estados Unidos.
Ginamit kan duwa an inaapod na “dead drop” o sekretong pagbayad nin kwarta karibay nin sensitibong impormasyon na ipapadara sa Beijing, na nagkakantidad nin manampulong ribong dolyar.
Base sa mga dokumento kan korte, an saindang operasyon nagpoon bilang mga ahente kan Ministry of State Security kan Tsina kan Mayo 2021.
Apwera kan 30 bulan na pagkapreso, tinawan man sinda nin sarong taon na supervised release o monitoring kan saindang mga aktibidad pagkatapos kan sentensya.
