NAGA CITY-Timbog an duwang suspetsadong drug dealer sa buy-bust na pigsagibo sa Candelaria, Quezon.
Binisto an mga suspek na sina alyas Rustie, 24 anyos, residente kan Purok 4, Malabanban Sur, Candelaria, Quezon, asin man si alyas Leonida, 43 anyos, residente kan Purok 4, Brgy. Malabanban Sur, Candelaria, kan kaparehong probinsya.
Sa nagunong impormasyon kan Bombo Radyo Naga sa Quezon Police Provincial Office, napag-araman na pig-arestar an mga suspek makalihis na makabakal sainda an nagpamalo-malong parabakal kan mga awtoridad nin sarong pidaso nin heat-sealed transparent plastic sachet nin pinagtutubudang shabu.
Kan pigkapkapan an mga suspek, nakua igdi an buy-bust money asin tolong pang heat-sealed transparent plastic sachet kan pinagtutubudang ilegal na droga.
May gabat man soboot an nakumpiskar na pinagtutubudang ilegal na droga nin 16 grams asin nagkakantidad nin ₱108,800.
Sa ngunyan, pigdara na an mga suspek sa Candelaria Municipal Police Station para sa magkakanigong disposisyon.
